Volk & FENS

Volk & FENS is het risseltaot van een fusie van Moi Volk en FENS. Begun 2022 bint de groepen samengaon en vörmt nou samen een groep van 6 enthousiaste muzikanten.

Ze hebt een veurleifde veur de streektaol en geeft daoran een eigen klankkleur met liedties die ze zölf schreven en componeerd hebt. Daornaost bewarkt en vertaolt ze bestaonde liedties.

Heur rippetoire bestiet oet eigen liedties in de streektaol, Nederlaands en Engels. De teksten varieert van hilarisch, anekdotisch, romantisch tot diepzinnig, country en folkachtig inspireerd. Daornaost doet ze ok covers van evergreens en aandere liedties die ze mooi vindt um te speulen.

Ze laot zuch tiedens optredens geern inspireren deur de wèensen van het publiek en laot zuch geern verrassen deur spontane acties en improvisaties.

Femiliefeesten, verieningen, zörginstellingen, maor ok op buurt-  en oldernsociëteiten bint ze niet onbekend en verzörgt ze geern een optreden.

Ze bespeult verscheiden instrumenten en hebt een eigen semi-professionele geluudsinstallatie met inplugmeugelijkheden veur darden.

Veur informatie kuj contact opnimmen met:

Henk Jan Fokkers: 06-22951704 of fokkensassen@hotmail.com
Marinus Stam: marinusstam64@gmail.com