Martijje

De Drentse taal lop as een rooie draod deur de zangcarrière van Martijje

Drentse jazz

Martijje Huus van de Taol Drentse artiesten foto HENX.nl

Martijje Lubbers is op 8 febrewaori 1979 geboren in Grolloo, waor ze ok opgruid is.
In 2003 was Martijje klaor met heur studie economie an de Rieksuniversiteit in Stad, waornao ze een jazz-zangstudie dee an het Prins Claus Conservatorium. Die studie rondde ze in 2006 of.

Martijje mak ‘Drentse Jazz’, een concept dat ze bedacht hef in 2007. Heur eerste cd Drezz (een samentrekking van ‘Drentse Jazz’) kwam oet in mei 2009.
In 2012 kwamen der twee singels van heur oet (Zin An Lente, Zachiesan), in 2013 iene: de singel Krummeltie. In 2014 volgde Ik Wil Meer.
In 2015 kwam heur cd Evenwicht oet. Hiermet wun ze de Streektaolpries van het Dagblad van het Noorden. Op haar neie album Zicht zal de blues deurklinken. Hoe kan het ook aans aj geboren bint in Grol.

De Drentse taal lop as een rooie draod deur de zangcarrière van Martijje. Zölf zeg ze daorover: ‘Het Drents is een warme, zangerige taol die goed combineert met muziek. Ik vin het fijn um het Drents van nou te combineren met eigentiedse muziek. Het Drents hef wat nuchters, wat relativerends en beschref underwarpen van dizze tied net even wat zachter as dat het Nederlands dat döt. Het is nog ies prima te verstaon ok. En dat muziek geweldig belangriek in ’t leven is, stiet veur mij as een paol boven water. Het gef inspiratie, troost en hoop. Ik wil dat geern overbengen op aandern.’

Naost muziek voor groten, meuk Martijje samen met u.a. het Huus van de Taol drie albums met Drentse kinderliedtiees veur kinder van de basisschoelleeftied: Jamero (2010), Het Jaor Deur Met Drentse Kinderliedties (2016) en Vrijheidsliedties (2020). Ok schreef ze het lied Doe Je Mee veur de lancering van Meer Muziek In De Klas in Drenthe.

Wieder zingt Martijje in The Serenade Sisters, een a capella groep van vier zingende vrouwen.

Discografie:

cd singels:

  • Glimlach (2010)
  • Kom maor gauw (2010)
  • Zin an lente (2012)
  • Zachiesan (2012)
  • Krummeltje (2013)
  • Ik wil meer (2014)
  • Doe je mee (2019)
  • Weg van de wereld / Vort van de wereld (2019)
  • Nuum mien naom (2020)

cd’s:

  • Drezz (2009)
  • Jamero (cd-box + boek, 2011)
  • Evenwicht (2015)
  • Het Jaor deur met Drentse Kinderliedties (cd-box + boek, 2016)
  • Vrijheidsliedties (Huus van de Taol, 2020)

Kiek ok op: www.martijje.nl

Er worden cookies gebruikt voor deze content. Accepteer de cookies om de content te bekijken.

In 2022 was Martijje te gast in de podcast Praot Drents met mij: