Andries Midddelbos

Meer as 25 jaor warkte Andries as dramadocent an de lerarenopleiding Rotterdam, maor in 2001 is hie weer terugkeerd naor Drenthe. Sinds die tied is hie ok begund met het schrieven van verhalen en liedties in het Drents. De oorsprong van dizze verhalen ligt in zien eigen kiendertied op het Drèentse plattelaand en beschrieft op een humoristische manier hoe as kiender toen opgruiden en groot weurden.

Een koppel van dizze verhalen bint publiceerd in de tiedschriften Maandewark en Zinnig van het Huus van de Taol en met het liedtie Bruno kwam e in de finale van het Drents Liedties Festival van RTV Drenthe. Ok is e lid van de warkgroep Drentstaolige kerkdiensten van het Huus van de Taol.

DE TIED VAN STRIEPKOORNBROEK , WOLLEN BÖRSTROK EN LEVERTRAON

Een programma  met liedties en verhalen over de tied  dat de striepkoornbroek de mode was en er elk jaor pas een einde kwam an de wollen börstrok en levertraon as de ‘R’ weer oet de maond was. De tied daj zaoterdags umstebeurt in de tobbe gungen en vekaansie een daggie op de fietse naor het Maantingerzaand was. De tied dat de mister van klas vier een kind even hen de krudenier stuurde veur een pakkie Caballero, omdat e de hiele dag kettingrokend veur de klas hen en weer banjerde. De tied dat op verjaordagen en bruloften op elke taofel een glassie met sigeretten en sigaren stun. Körtom verhalen en liedties over alledaagse dinger oet die tied. Serieus, luchtig, soms hilarisch en vaak met lichte zölfspot. In het programma begeleidt hie zichzölf op accordeon, piano of gitaar en wisselt verhalen en liedties mekaar of.

Een greep oet het programma:

• Tobbedag
• Griesmeelpap met kloeten
• Levertraonverdriet
• Verzuilde stoet
• Hemel- en hemmeltied
• Op ’t jak
• De neie boks

Allewal de verhalen en liedties in het Drents bint, is het ok veur niet-Drenten goed te volgen.

Kiek ok op: www.streektaalzang.nl