Nao ‘Moi’ in Emmen nou deur naor Klazienaveen

In mei 2023 was de Moi-cursus in wiekcentrum Angelslo in Emmen. Docenten Aagje Blink en Grietje Meijer gaven dizze cursus van drei aovenden. Het enthousiasme van sommige cursisten was zó groot, dat er spontaan actie undernummen is en een Drenthecursus op Klazienaveen was het risseltaot.

Nao acht aovenden is de groep van docent Aagje Blink nou klaor. Ze sleuten de cursus op 11 meert of in ‘De Noorderbreedte’ op Klazienaveen, daorbij kregen ze een getuugschrift oet haanden van de docent.

Veurofgaond an dizze aovend was der op zaoterdag 9 meert een prachtige wandeling in de bossen bij Ies, waor collega-docent Willy Weerman de cursisten vertelde over Ies in de oorlog en het stormbossie.Boeten dizze wandeling kregen de cursisten op aandere aovenden bezuuk van schriever Anne Doornbos en old-docent Henk Pras, die ze wat vertelden over de schrieverij en het Veenkoloniaol Drents.

Aj nou ankommen seizoen ok een cursus volgen wilt, meld je dan an op http://www.huusvandetaol.nl/cursussen 

Wij probeert zoveul meugelijk gespreid deur de provincie elk seizoen een paar cursussen an te bieden.