Bezundere neie verhalenbundel van Leny Hamminga: De Hunzeman

Leny Hamminga oet Taorl schreef 36 verhalen over bezundere mensen die gewone dingen doet en gewone mensen die bezundere dingen doet. Op dönderdag 28 april was de prissentatie.

TAORL – In het Burgtheater van Hennie en Harry van der Burg in Taorl kreeg Jan Germs, old-directeur van het Huus van de Taol, het eerste exemplaor van de verhalenbundel De Hunzeman van Leny Hamminga. Het is heur veerde boek dat bij oetgeverij Het Drentse Boek oetbracht is.

De Hunzeman is een bundel verhalen over bezundere mensen die gewone dingen doet en gewone mensen die bezundere dingen doet. Leny Hamminga beschref ze met liefde en compassie; de personages bint gien karikaturen maor mensen van vleis en bloed waorin je jezölf en mensen oet je omgeving herkennen kunt. De verhalen gaot over de zuuktocht naor geluk en over ienzaomheid, verwondering en moed. Het boek De Hunzeman leert je metleven met mensen die lichtkaans aans as jezölf doet, maor die je laot zien dat gevulens bij elkenien hetzölfde bint. 

Leny Hamminga (1954) schref verhalen en liedteksten. Zij hef as leerkracht en tenielregisseur warkt. De Hunzeman is heur veerde boek. Hierveur schreef ze de kinderboeken Een haand achter ’t gerdien en Van Fransje Piepelaar die in een hond ging wonen en ok het boek Lena, dat bekroond is met de streektaolpries van het Dagblad van het Noorden. 

Het boek is veur € 14,95 te koop in de boekhandel en de webwinkel van het Huus van de Taol: https://huusvandetaol.nl/product/de-hunzeman-leny-hamminga/

Foto’s: Emma Vos.