Op 4 meert is de eerste oflevering van het zesde seizoen van de populaire Drentstaolige podcastserie Praot Drents Met Mij online kommen.

Augurkenteler Marcel Pijl oet Hieken zag op tillevisie dat alle augurken van Oos Kesbeke oet Duutsland kwamen. Die teelt  mus hier toch ok kunnen? Al har e zölf gien bouwlaand: ‘Wij woont in een mooi boerendörpie en der is altied wal een keer een blokkie laand te huur’.

Inmiddels hef e zien eerste seizoen as augurkenteler derop zitten.

De podcast is te belustern op alle bekende streamingdiensten, zoas Spotify en iTunes. Ok stiet e op de website van RTV Drenthe en op oeze eigen website.