Het Huus van de Taol hef in samenwarking met RTV Drenthe een darde seizoen maakt van de Drentstaolige podcast Praot Drents Met Mij. In dizze podcast prat directeur van het Huus van de Taol Renate Snoeijing met bekende en minder bekende Drenten over de rol die de Drentse taol in heur leven speult. In dizze oflevering is Nico Vanderveen oet Assen te gast. Hie is directeur bij Warenhoes Vanderveen in Assen.
Jeugd
Vanderveen is opgruid in Assen. Daor hef e tot zien tiende woond. Daornao verhoesde het gezin (pap, mam, zien breurtie en twei zussen) hen Rhee. Hie was de oldste van de kinder. En de kinder waren altied met de dieren gangs. ‘Ik wol as jochie ok altied dierenarts worden, dat leek mij helemaal het einde.’
DDR
An het end van de veerde klas was e met de klas op warkweek in de DDR. Toen was e zestien en dat hef een grote indruk op hum maakt. Iniene beseft’e dat de wereld nog veul groter as Assen en umgeving was.Hij besleut macro-econoom te worden en gien dierenarts.
Twei studies
‘Mien hart zee macro, maor mien hoofd zee micro.’ En dus volgde Vanderveen niet ien maor twei studies economie, waorveur e cum laude ofstudeerde.
Warenhuus
‘As jochie dacht ik altied van ‘nou, tegen de tied dat ik volwassen ben en de studies daon heb, dan is der vast wal ien van mien neven of nichten die op de directiezetel zit.’ Vanderveen har zölf ok wal interesse, maor wol eerst aandere dingen doen en de wereld verkennen. Op een gegeven moment toen kwamen de kinder. Ien, twei, drei, veer. En daor weur het veur mien vrouw wal wat zwaorder van. Veur Nico niet, die vun het geweldig. Hie kun al die virussen daor in Afrika wal an, zeg e zölf. Maor toen zien va hum belde, umdat e umhoog zat in het warenhoes besleut Nico dat het tied was um weerum te gaon hen Assen. En nou zit e met hiel veul plezier in het femiliebedrief.
Gezin
Nico hef veer dochters, veer schoonzeunen en vief kleinkinder, maor die woont niet um de hoek. Toch hef e veul contact met ze.
Warmste herinnering an vrogger
‘Veur ons was de Picardthoeve het centrum van de wereld. Wij hadden daor alle ruumte um dingen te ontdekken.’