In een unieke veurstelling van het prachtige boek ‘De Winterkraaien’ van Aar van de Werfhorst’ wordt een biezundere akoestische veurstelling prissenteerd. Dit is gien gewone opvoering, maor een gloepends neie ervaring die de grenzen van de kunst en cultuur opzöch.
Under leiding van de bekende Gezinus Veldman brengt een hunderdkoppig mannenkoor de liedties oet het boek tot leven in de streektaol, met neie composities en gedichten die speciaal veur dizze veurstelling maakt bint. Teksten die je an het gevuul komt en indringende meziek wordt ofwisseld met voice-overs en zeuven verhaolen in de streektaol deur Thea Kroese. Bas-bariton Nanco de Vries döt de solopartijen, intied Gerard Abma op bugel en pianist/dirigent/componist Gezinus Veldman zörgt veur muzikale umliesting. Kiekend naor een achtergrond van beelden oet de streek kan elkenien anderhalf uur geboeid, ontroerd en in stilte lustern..
De veurstelling brengt het verhaol töt leven in een tied zo um het begun van de 20e ieuw, toen veenwinning met de haand nog de standaard was. Het was een stoere periode, maor ok een tied van warm naoberschap, ontberings en rampen. Zeuven veenwarkers verdrinkt op gruwelijkewieze tiedens een storm in het kanaal van Coevern naor het zuden. De rode draod in dizze bewarking wordt deur de zeuven verhaolen van de slachtoffers en hun gezinnen vörmd. Ok de geschiedenis van het vroggere klooster van Sibculo speult een mystieke rol in zowal het boek as de veurstelling.
Deur de vraog naor een akoestische veurstelling boeten de reguliere theaters, zal dizze biezundere belevenis plaotsvinden in de Goede Herder Kerk an ’t Hogeveine op 16 febrewaori, het begunt um 19.30 uur. Kaortien veur de veurstelling bint te kriegen veur €15 en kunt besteld worden via info@levendvroomshoop.nl of tel. 0546-642191. Mis dizze kaans niet um de betovering van ‘De Winterkraaien’ zölf met te maken!