In ‘Het Markehuis’ in Grol deden vrijdagaovend jl. 22 teams, zu’n 100 man en vrouw, met an de daarde Drèentse Streektaolstried. Dizze ‘pubquiz’ weur weer organiseerd deur de Streektaolvrijwilligers van het Huus van de Taol in Aa & Hunze. De club die zuch met hart en ziel inzet um daor waor het kan de Drèentse taol under de aandacht te brengen.

Het team ‘De Broekstreek’ wun met een krappe veursprong’ met 65,5 punten van de groep ‘Belangeloos’ (vertegenwoordigers van Gemeentebelangen) die 65 scoorde. ‘De meisjes van toen’ (Vrouwen van Nu Eext) gungen met een daarde pries, een puntenaantal van 64, hen hoes.

Der waren acht categoriën waormet de punten waren te verdienen waorunder taol, actueel, ‘drentslate’ en husselwoorden. De prissentaotie weur vanneis daon deur Jan Germs oet Gasselt.

De Broekstreker ploeg bliekt een loos team te wezen, want ok in 2020 behaolden ze een eerste plek met de Streektaolstried. Underling bij de aandere teams gung het der fanatiek an toe: almaol gungen ze in de toneelzaol van ‘Het Markehuis’ netuurlijk veur de winst!

De streektaolvrijwilligers in Aa en Hunze kunt slim tevreden terugkieken op een spannende, zeer geslaagde en gezellige Streektaolstried 2023.

Alle oetslagen:

Streektaolstried Grol 2023 Huus van de Taol (1)