Prissentatie Drents buusboekie veur de zörg

‘Taol verbindt’ as hulp bij de gesprekken van alledag

Op dunderdag 16 mei is bij het Jannes van der Sleedenhuis op ’t Hogeveine het eerste exemplaar van ‘Taol Verbindt – Eerste hulp bij plat praoten’ an Klaas Smid oetreikt. Klaas Smid is opgruid op ‘t Hogeveine, en naost zien wark als burgemister van Noordenveld ok betrökken bij zörgkoepel de NNCZ (Noord Nederlandse Coöperatie van Zorgorganisaties).

Heinz en Dagmar Eming  brachten eerder al het zörgzakboekie Platt Batt veur het Plattduuts oet. Met het wark van dit echtpaar as inspiratie brengt het Huus van de Taol veur Drentse zörgmetwarkers het boekie Taol Verbindt oet. Het böd een eerste hulp bij de communicatie van alledag tussen metwarker en cliënt.

Veur wel op wat veur manier ok met de zörg te maken kreg, is het van grote weerde as ze in heur taol anspreuken wordt of dat de aander heur begrep. Veural veur oldern is het Drents vaak de taol woarin ze zuch het best oetdrukken kunt. Het is fijn um wat eigens te holden as der zoveul um je toe gaonde is.  Het buusboekie is bedoeld as hulp veur zörgmetwarkers die het Drents niet machtig bint en gef een inkiekie in de taol die al ieuwenlang een stee in de Drentse samenleving hef.

Alle metwarkers van de NNCZ hebt een exemplaar van het buusboekie kedo kregen.

Het boekie is vanof nu te bestellen in oeze webshop.