In zien woonplaots Bronneger is op maondag 23 oktober 2023 schriever en dichter Gerard Nijenhuis oet de tied kommen.

Nijenhuis hef veul betiekend veur de Drentse schrieverij. Zo was e in 1956 ien van de oprichters van de Drentse Schrieverskring. En in 1956 hef e samen met Hans Heyting en Gerrit Kuipers het streektaoltiedschrift Oeze Volk opricht.

Gerard was zölf hiel actief as schriever en dichter en veur alles wat e veur de Drentse taol daon hef kreeg e in 1987 de Culturele Pries van Drenthe.

Bij de prissentatie van zien bundel Tachtig gedichten (22-01-2012, bij zien tachtigste verjaordag) hef Gerard vanwege zien grote verdiensten veur de Drentse taol ok nog het eretieken van het Huus van de Taol kregen.

In 2020 was e bij het Huus van de Taol nog te zien in de online serie De schriever les veur. 

Gerard is 91 jaor worden.