Wat kriej aj twee eigenzinnige woordkunstenaars en een virtuoze gitarist samen op ien podium zet? Een programma dat je nog lang bijblieven zal. Delia Bremer en Ria Westerhuis nimt je met in heur wereld van dreumen, Drèentse wortels en rauwe warkelijkheid. Maor der is meer….. Speciaal veur dizze gelegenheid zult de vrouwlu ok veurdragen oet de erotische bundel Minnezinne. Verwacht dus een middag vol passie, humor en een goeie dosis gewaogde poëzie!

Gitarist Rob Zandgrond zörgt met zien snarenspel veur de hartslag van de veurstelling. Samen vörmt ze een trio dat de kracht van taol en meziek versmelten lat tot wat magisch.

Kosten: € 12,50 p.p. inclusief koffie/thee en wat erbij
Tied: 14.00 – 17.00 uur
Locatie: Rustpunt Ruinen, Oldenhave 16 in Rune

Opgeven kan via: info@rustpuntruinen.nl

Op vrijdag 13 meert vertelt Hans Katerberg en Rolf Mulder in De Literaire Hemel alles over het tot stand kommen van het boek Vals. Hoe bint ze derop kommen um het verhaal van Reynaert de Vos in het Drents te vertaolen en waorum in dizze vörm?

Beleef een sfeervolle Drèentse aovend vol meziek en streektaol!

De meziek wordt verzörgd deur de broers Roo, die in 2025 het Songfestival Drenthe wunnen met het nummer ‘Olde Jetta’. Heur meziek klinkt as een mix van Simon & Garfunkel en Daniël Lohues.

Naost meziek is der ok roemte veur een gesprek. Renate Snoeijing, directeur van het Huus van de Taol, giet in gesprek met gepensioneerd plietsieman Bert Eefting en vrag hum het hemd van het Drentse lief over zien carrière bij de plietsie.

Vanof 19.40 uur is de zaal lös en het concert begunt um 20.00 uur.

Intree is € 15,00 inclusief ien consumptie.

Kaortverkoop kan bij veurkeur d.m.v. risservering via penningmeester@stefanuskerkwesterbork.nl of an de deur (pin/contant).

Al meer as 25 jaor is de combinatie van Drentse schrieverij, meziek en eten geliefd. Streektaolorganisatie Huus van de Taol organiseert daorum een nei seizoen Taal an Taofel in Noord-Slien en Nörg.

Vandaog biw bij Zwaneveld in Nörg. Het publiek kan naor poëzie en verhaolen van Ger Veenstra en Willem van der Velde (Peter) lustern. De meziek is vandaog van Jetta Post.

Taal an Taofel begunt um 11.00 uur en stopt um 14.00 uur. De entree is € 25,00. En daor kriej dan een kop koffie/thee en eterij veur. Risserveren kan tot de dinsdag derveur bij Hennie Bouwman: henderkien.jantien@gmail.com / 06-29113653.

In Nörg is Taal an Taofel op 14 september, 16 november, 17 jannewaori en 15 meert.