Agenda

Er is altijd wel iets te beleven met de Drentse taal

Filter op:

Filter de activiteiten op categorie of datum

Categorie
Datum

24mar

Categorie: Taol

Streektaolstried Midden-Drenthe

Op vrijdag 24 meert kunt inwoners van de gemiente Midden-Drenthe in Het Kompas metdoen an de Streektaolstried. In dizze pubquiz kriej niet allent vraogen over het Drents, maor ok over verrassende zaken die van doen hebt met Drenthe. De Streektaolstried telt acht rondes met elke keer acht vraogen.

Elkenien kan metandoen!  Aj een team hebt van min. 4 en max. 5 personen, kuj je anmelden. Vanzölf kuj ok metdoen met een ofvaardiging van een verieniging, zoas de sportverieniging, de Vrouwen van Nu, een historische verieniging of net geliek wat veur club.

Locatie: Het Kompas op De Smilde
Anvang: 20.00 uur (inloop vanof 19.30 uur)

Anmelden kan veur maondag 19 meert bij Geert Woldman: gwoldman@xs4all.nl.

25mar

Locatie: Ruinerwold

Dorpshuis Buddingehof
Dijkhuizen 66
7961 AM

Route

Ienakterfestival Kört&Goed veurronde Runerwold

Ienakterfestival Kört&Goed giet lös

Vanaovend is de tweide veurronde van het ienakterfestival Kört&Goed in Runerwold. Het Huus van de taol organiseert um het jaor in de Meertmaond Streektaolmaond dit festival. Deur corona is het al even leden. In 2019 was de leste keer.

Vanaovend treedt veur je op: rederiekerskamer UDI Runerwold, Rederiekerskamer Börger, Amicitia Gasteren en Plat op Pad oet Hoogeveen. De ienakters bint niet langer as een half uur. Een jury zeg wel deur mag naor de finale op 1 april in De Tamboer in Hoogeveen.

Kaorten à € 12,50 bint te koop bij het Huus van de Taol in Beilen, in de webshop op huusvandetaol.nl en an de zaal in Runerwold. Deur lös um 19.30 uur. Begun: 20.00 uur.

25mar

Categorie: Op de plaanken

’t Volk van Grada in Atlas Theater

Op 25 maart speelt ’t Volk van Grada haar nieuwste voorstellingen ‘Van de leg af’ in het Atlas Theater in Emmen.

25mar

Categorie: Op de plaanken

Locatie: Kampen

Café 't Kroegje

Route

Margaretha Kleine in Kampen

Op zaoterdag 25 meert kuj vanof 21.30 uur lustern naor de prachtige liedties van singer-songwriter Margaretha Kleine.

26mar

Categorie: Op de plaanken

Drentstaolige karkdienst in Slien

Op zundag 26 meert is der een Drentstaolige karkdienst in Slien. De dienst begunt um 10.00 uur en veurganger is Jennie Lambers-Niers.

Op dit moment is nog niet bekend in welke kark de dienst plaotsvinden zal.