Harm Jans Stevens (1913-1973)

Hie warkte bij de NS en woonde achterienvolgens in Vaalt (vanof 1926), Emmen (1930), Coevern (1935) en Rotterdam (1941). In Rotterdam weur e bestuurslid van de Drentse veriening Het Olde Laandschap (opricht op 3 oktober 1947) en in het verieningsblad schreef e vanof 1952 under andere gedichten, die e undertiekende met de schoelnaam Hajes.
Harm Jans Stevens schreef sketches, liedteksten en een tenielstuk (Mommeriete) veur de aovenden van Het Olde Laandschap. Hie schreef ok dialectgedichten en een dialectverhaal in het Kerkkrantje van Oring (Odoorn) en in Oeze Volk. Hie gebroekte dan ok wal de schoelnamen Harm Holtkapper en Faunus. Under de naam Faunus schreef e ok natuur- en dierenverhalen, waor e het miest talentriek in was. Zien beste verhalen bint in 1970  bundeld in Achter de boswal. Drentse dierenverhalen.
Der is ok wark vban Harm Jans Stevens plaotst in bloemlezingen as Drente’s Erfgoed (1978), Drentse schrieversalmanak (1975), Mandielig (1983), Oes eigen taol (1991) en Maandewark (1994).

De gemiente Börger-Odoorn hef de schriever Harm Jans Stevens in oktober 2004 eerd deur in Tweede Exelermond een straot naor hum te numen.

Harm Jans Stevens is in 1973 in Daolen oet de tied kommen.

Boekpublicatie:

• Achter de boswal. Drentse dierenverhalen (1970).