Webshop
Webshop

weerum

Drentse gezelligheid

Bi’j veur je verieniging, verzörgingstehoes of sportclub op zuuk naor wat Drentse gezelligheid? In een koppel Drentse gemienten hebt oeze vrijwilligers leuke programma’s maakt.

Drentse gezelligheid

In de gemiente Midden-Drenthe verzörgt zeuven vrijwilligers in wisselnde samenstelling een dagdielvullend programma met de naam Under professoren.

Veer van die zeuven vrijwilligers zörgt as Drèentse professoren veur een gezellige nommedag of aovend met vraogen die allemaol met Drenthe van doen hebt.

Ien van de professoren leg een vraog veur an de anwezigen in de zaol, die in kleine groepies verdield bint. De aandere drie professoren geeft elk een antwoord waorvan maor ien antwoord goed is. Dat mugt de groepies in de zaal dan oetzuken en opschrieven. Dèenk erum, dat twee van die drie professoren probeert um je op het verkeerde bien te zetten!

Al met al zörgt de professoren veur een ofwisselnd programma met mooie priezen, waorbij plezier veurop stiet!

De professoren hebt undertussen zo’n 25 underwarpen. Dus ok as ze al een keertie west bint, kuj ze gerust nog ies weer vraogen.

 

Bin ie veur je vereniging, club of tehoes op zuuk naor de invulling van een aovend of middag? Dan kun wij je daor an helpen. Een koffiemörgen kan natuurlijk ok. Twee mannen uut Börk, streektaolvrijwilligers bij het Huus van de Taol, staot garant veur een paor mooie uren. Zij vertelt in de Drentse taol verhalen en gedichten. Soms wat serieus maor over het algemien wat luchtigs. Ze eindigt altied, een beetie hilarisch, met “pettie op – pettie of”; vraogen over de Drentse taol, Drenthe of de plaots waor aj bint. Daor kuj mooie Drentse priezen met winnen! Ook praot zij je bij over de warkzaamheden en activiteiten van het Huus van de Taol.

Een leuk spel waorbij de vrijwilligers van Aa en Hunze een old veurwarp toont. Der wordt dree antwoorden geven, waoj oet raoden moet welke de juuste is. In overleg kan der een (kört) verhaol veurlezen en/of een gedicht veurdraogen worden.

Meer informatie over Drentse gezelligheid

Velden met een * moej altied invullen