Kinderliedties

De veurbije jaoren bint er hiel wat kinderliedties in de streektaol schreven en op meziek zet. Dat is al begund met het lessenpakket Krummels, dat in 2003 deur de toenmaolige Stichting Drentse Taol samensteld is. In Krummels staot Drentse liedties die nog aaid de muite van het zingen weerd bint.

Met de hulp van Jan Kruimink, Marinus Scholten en Martijje Lubbers (prejectleider) bint daorna verscheiden liedpakketten maakt en professioneel in de studio opnummen:

• Jamero (2010)
• Het Jaor deur met Drentse Kinderliedties (2016)
• Vrijheidsliedties (2020)

Wieder is het preject Peter en de wolf in het Drents een jaor of acht oetvoerd. Ok hierveur bint liedties op de muziek van het klassieke sprookje van Prokoviev in het Nederlands én het Drents opnummen.

Het mieste liedmateriaal is tegenwoordig te vinden op de underwieswebsite www.wiesneus.nl.