Nei seizoen Taal an Taofel in Noord-Slien en Nörg

 Al meer as 30 jaor is de combinatie van Drentse schrieverij, meziek en eten geliefd. Streektaolorganisatie Huus van de Taol organiseert daorum vanof september 2026 een nei seizoen Taal an Taofel in Noord-Slien en Nörg.

BEILEN – Vrijwilligers van Huus van de Taol bint drok gangs met de veurbereidingen van het neie seizoen van Taal an Taofel. Op acht zundagen, van september tot an april, kunt bezukers naor streektaolschrievers en -artiesten lustern. In de middagpauze kreg elkenien te eten. En dat is aal keren wat aans, van een 12-uurtje tot stamppot an toe. Taal an Taofel begunt um 11.00 uur en stopt um 14.00 uur. De entree is € 25,00. En daor kriej dan een kop koffie/thee en eterij veur.

Dit jaor is Taal an Taofel in Restaurant-Zalencentrum Wielens in Noord-Slien en in Café-Zaal Zwaneveld in Nörg. Op zundag 13 september is de oftrap in Nörg, waor het publiek lustern kan naor de schrievers van het boek Vals, Hans Katerberg en Rolf Mulder. De meziek die dag is van Andries Middelbos. Hij hef liedties bij het boek Vals, over Reynaert de Vos maakt. Op 18 oktober kuj naor Noord-Slien. Bezukers kunt daor genieten van poëzie en verhaolen van Harma de Roo en HarmG Sijnstra. Sylvia Fledderus verzörgt de muziek.

Praktische informatie Taal an Taofel seizoen 2025-2026

In Noord-Slien is Taal an Taofel op 18 oktober, 13 december, 7 febrewaori en 11 april. Risserveren kan tot de dunderdag derveur via reina.zwiers@planet.nl  / 06-27518101.

In Nörg is Taal an Taofel op 13 september, 15 november, 17 jannewaori en 7 meert. Risserveren kan tot de dinsdag derveur bij Henny Bouwman: henderkien.jantien@gmail.com/06-29113653.

 

Kiek veur meer informatie op de agenda van het Huus van de Taol: huusvandetaol.nl/agenda.