Op 8 april is de zesde oflevering van de neie serie Praot Drents Met Mij online kommen.

Schriever Anne Doornbos gruide op op Erica as oldste van de jongens in een gezin met vief kinder. Umdat e goed leren kun, kreeg e an het end van de legere schoel het advies um naor het lyceum te gaon: ‘Nou, dat was veural veur mien pap een tegenvaller, want die had dacht dat ik boer wol worden’.

In dienst
Doornbos gung in dienst, maor toen e bij de legerpredikant vallen leut dat e theologie studeren wol, bleek dat e dan vrijstelling van dienst kriegen kun. Dat vreug e geliek an zodat e naor de theologische hogeschool in Kampen kun.

Jeugd- en jongernwark
Oeteindelijk keus e toch veur een studie an de sociale academie, waorbij ie geliek ok an het wark gung as jongernwarker op Emmer Compas. ‘Het is ontzettend mooi wark, het is hiel creatief en je kon wat veur mèensen betieken’.

Drents in Heerenveen
Begun jaoren ningtig warkt Doornbos in Heerenveen. In die tied richt’e samen met een koppel aandere Drentse metwarkers van de gemiente een stichting op:  Semper Fidelis Thriantae De stichting organiseerde van alles en nog wat ‘maor veural kwaojongensstreken um Friezen te pesten’.

Schrieven in het Drents
Doornbos wil niet wereldberoemd worden en huuft ok gien Nobelpries te winnen:  ‘Het gevolg van schrieven in de streektaol is daj gewoon een veul kleiner publiek hebt. Dat moej accepteren.’

Thrillers schrieven
Doornbos zöt het schrieven van thrillers as hard warken. En daorbij wet e vaak in ’t begun van een verhaal  niet iens hoe het oflopen giet: ‘Gaondeweg wordt het verhaal de baos en dan dirigeert het zuchzölf een kant op. Dat is veur mijzölf ok wal spannend’.

Tied veur zien naosten
As e an een boek begunt giet e daor hielemaol in op en is der weinig tied veur zien vrouw, kinder en kleinkinder. Daorum hef e nou de bosschup van zien vrouw metkregen: ‘As jij nog weer een boek wilt schrieven, is prima, maor niet in de zummer!’.

De podcast is te belustern op alle bekende streamingdiensten, zoas Spotify en iTunes. Ok stiet e op de website van RTV Drenthe en op oeze eigen website.