Taol verbindt

Drents in de zörg
Veul volk in Noordoost-Nederland prat een variant van de Nedersaksische taol, waor ok het Drents under valt. Maor veur jong volk dat in de zörg an de slag giet is dat niet per se vanzölfsprekend.

Eigen taol
Veur mèensen die in een verzörgingshuus komt, of die op de ien of aandere menier met de zörg van doen kriegt, is het van grote weerde wanneer ze in heur eigen streektaol ansproken én begrepen wordt. In een umgeving die zeker in het begun vrömd is, is het prettig dat ze terugvallen kunt op wat eigens, op heur eigen taol.

Taol verbindt
Het Duutse echtpaar Heinz en Dagmar Eming bracht een jaor of wat leden het zörgbuusboekie Platt batt uut. En dat boekie hew as inspiratie nummen veur oes eigen buusboekie dat de titel Taol verbindt metkregen hef. Het boekie gef eerste hulp bij de communicatie van alledag en bödt een inkiekie in de taol die al eeuwen een stee in de Drentse samenleving hef.

Underzuuk
Underzuuk in verzörgingstehuzen (deur Cornips en Makkinga in 2018) lat zien dat het gebruuk van streektaol bijdrag an het welbevinden van bewoners. Het gebruuk van streektaol drag bij an het gevuul van thuus weden en je vertrouwd vulen. En dat is toch het allermooiste wat aj iene geven kunt, die al een hiele bult opgeven hef toen e verhuzen mus naor het verzörgingshuus?

Buusboekies
De buusboekies bint vanof 16 mei te bestellen in de webshop van het Huus van de Taol.