Het Huus van de Taol hef in samenwarking met RTV Drenthe een veerde seizoen maakt van de Drentstaolige podcast Praot Drents Met Mij. In dizze podcast prat directeur van het Huus van de Taol Renate Snoeijing met bekende en minder bekende Drenten over de rol die de Drentse taol in heur leven speult.
Erotiekmagnaat Eric Idema is geboren en getogen in Drenthe. Toen e twaalf was, verhoesde het gezin hen Uithuizermeeden. Allewal zien va en moet wal Drents preuten, hef e de taol niet actief metkregen. Maor hie vuult hum wal echt een noorderling. ‘Ik wil gewoon in Drenthe wonen en ik wil gewoon in Annen blieven. Daar ben ik het allergelukkigst. ‘
Gereformeerd
Idema gruide op in Weerdingermond, in een gereformeerde umgeving. Op zien 18e besleut e dat e zölf niet meer hen de kark wol.
Rol in het gezin
‘Ik behoorde de verstandigste te zijn, maar ik was wel van het ouwehoeren.’ Hie is nog altied in veur een goeie grap.
Landbouwschoel
Zien opa en oma hadden vrogger een boerderij op de Smilde en Idema wol wal geern boer worden. De vrijheid, de rust, het platteland vun e gloepends mooi. Allewal e de landbouwschoel daon hef, is e gien boer worden. Het warken bij boeren vun e wal mooi en hef e veul daon.
Eerpel
Zien eerste baan har e bij Werkman/Landjuweel in de eerpel. Daor hef e een bult leerd: ‘Maar toen wou ik meer.’ Toen gung e as planner an de gang in de logistiek, maor in de praktijk bleek dat niet zo goed te warken: ‘Ik bakte der geen zak van.’
Erotiek
Op een gegeven moment begunt e een webwinkel met erotische artikeln. De plaaties ‘lient’ e van de PABO. En de eerste bestellingen koch e ok daor in (naodat de bestellingen binnen waren). In het begun was het echt pionieren: ‘Ik had helemaal geen stickermachine, allemaal etiketten met de hand schrieven’. Hij har het op een gegeven moment zo drok dat e dagelijks pakketties ofleverde op het postkantoor.
Taboes
‘Toen ik begon was ik er zelf ook redelijk schimmig en stil over. Als je nu kijkt, waar we nu staan: we hebben echt wel wat taboes doorbroken.’
Dizze oflevering met de oprichter van EasyToys is vanof nou te vinden op Spotify, iTunes en op alle aandere bekende streamingdiensten. Maor ok via https://www.rtvdrenthe.nl/podcasts/praotdrentsmetmij.