Het Huus van de Taol hef in samenwarking met RTV Drenthe een veerde seizoen maakt van de Drentstaolige podcast Praot Drents Met Mij. In dizze podcast prat directeur van het Huus van de Taol Renate Snoeijing met bekende en minder bekende Drenten over de rol die de Drentse taol in heur leven speult.

Fotograaf Karin Broekhuijsen gruide op in de Veenkoloniën, maor gebruukt heur Drents niet zoveul meer: ‘Ik bin natuurlijk ok heul veul allein op pad. Dus dan zegst huilemaol niks.’

Het gezin
‘Een zussie van mie is geboren in 1958 en overleden in 1959. Toen kwam mien bruier in 1960. En toen kreeg mien moe nog een doodgeboren kindje in 1961.’ Ieder jaor as heur oldste zussie jaorig is, dan dèenkt ze der altied nog an.

Plietsie
Karin heur pap zat bij de plietsie. Daor kreeg ze as kind niet hiel veul van met, maor der kwam wal veul volk over de vloer: ‘Wa’k der wel van metkreeg was dat er huil veul mèensen met problemen bij ons thuus kwamen en dat ze dan met mekaor gungen praoten in de woonkaomer. En dat mien moe en ik dan in de keuken zitten mossen .’

Fotograferen
‘Ik heb altied  twei camera’s met twei verschillende bie mie lenzen, want ik hol nait van lens wisseln. En ik heb een statief met.’ Karin giet in de zommer um veer uur van berre um te fotograferen. Zie mak dus ok een bult zunsopkomsten met. Foto’s van zunsundergang in de zummer huuj van heur niet te verwachten: ‘Ik lig der  vrog in. Ik zai de zunne nooit under gaon in de zommer. Dat is mie echt te laot’.

Drenthe
Karin fotografeert zowat allent maor in Drenthe: ‘Drenthe is zo mooi en der is nog zoveul te zain waor ik ok nog niet wèest bin. Ik geniet er iedere keer nog weer van.’ Op de Veluwe is ze ok wal ies west, maor daor is het heur te drok.

Dizze oflevering is vanof nou te vinden op Spotify, iTunes en alle aandere streamingdiensten. Ok kuj hum vinden op de website van RTV Drenthe.