Gister was der veul belangstelling veur de speciale Noordenveld Taal an Taofel. Zowat alle stoelen bij Arnold en Irma waren bezet. En wat is het een mooie zundag worden!
Tea Nijnuis begunde te vertellen dat heur gedichten gien tweede laog hadden, elkenien kun begriepen wat zij met heur schrieven bedoelde. Dat bleek ok oet heur mooie gedichten over heur pap en mam, heur Paais, de netuur en de vrömde opdrachten van juf Baukje van de schriefclub van het Huus van de Taol.
Henk Nijkeuter har het boek
Mijn voeten op de oude grond metnummen, met gedichten, verhalen en aander schriefwark van 107 schrievers die een baand hebt met Noordenveld. Met het verhaol ‘Sunnerklaos’ van Peter van der Velde nam e de anwezigen met in een Sunterklaosdag um nooit te vergeten!
De meziek weur verzörgd deur Bea Lunsche. Meer as 40 jaor leden zung zij samen met heur pap Bareld de elpee ‘Een daggie dweelen deur de Drentse dreven’ vol. Bea nam het publiek met op een nostalgische reis deur Noordenveld
De mörgen was maor zo weer veurbij.
Op 17 jannewaori is der weer een neie Taal an Taofel in Nörg!