Teniel

SCHRIEVER: JUST VINK + JAN VELDMAN + KLAAS KNILLIS HOFSTRA (vertaoling). (Eerst ies in het Nederlands schreven veur Theater te Water: De Bruidsschuit.) Veurdat het stuk begunt hieten de breur en zus van de bruid het publiek welkom bie de bruloft. Zij laoten heur tekenen in het gastenboek en studeren mit heur het "Welkomstlied" in. Het stuk giet over een bruloft waorbij het niet akkedeert tussen de femilies Van Putten en De Ronde. Dat begunt met het saboteren van de auto van de bruidegom. Uuteindelijk krig een diel van de bruloftsgasten waopens in haanden.

SCHRIEVER: JOSH HASSING. Levensverhaol van de geboorte tot de dood. Titel en inhold bint inspireerd op het beeld bie de kerk in Oring. De begunscène met de geboorte van ‘t kleinkind komp an het end in dezelfde vörm terug. De cirkel is met een neie geboorte weer rond. Der is een starke band tussen kleinkind Marietje en Otie, um reden dat moeder bie de geboorte oet de tied komt. In het stuk giet het over: geboorte, oet de tied kommen, man an de vrouw brengen, ongesteld wezen, parkinson, dementie en arfenis perikels.

SCHRIEVER: MARIANNE BRAAM. Antal kinderen is met miester Johan en juf Janny op schoelkamp. De miester hef een programma oetstukt dat dicht bie de netuur en het overleven stiet. De kinder vindt dit maor niks. Dan duken miester Johan en juf Janny de tent in en wordt betrapt deur de kinder vanzölf. As dan ok de zwangere vrouw van miester Johan op het schoelkamp komp, bint de poppen an het daansen. De kinder kunt de miester mooi manipuleren en versieren een betere locatie voor hun schoolkamp.

SCHRIEVER: JAN VEENSTRA Van 1842 tot 1881 woonde in Assen het echtpaor August van Valkenstein en Louise van Valkenstein Aubry d’Arancey op het landgoed Huis Vredeveld. Ze leidden der een zeer terugtrökken bestaon en scharmden zich hielemaol of van de Asser samenleving. Gien wonder dat der al gauw wilde verhaolen over heur rondgungen. Zo weur der van hum zegd dat hij op elkenien scheut die zuch op het landgoed waogde en over heur ontstun het gerucht dat ze een onecht kiend wezen zul van koning Lodewijk Napoleon. Het stuk speult zuch of in de waskeuken van het laandhuus, waoras de dienstboden an het wark bint, waor de tuunknecht zo nou en dan even uutblaozen komp en waoras leveranciers en dergelijk volk heur spullen oflevern koomt. Vanzölfs hebt ze het geern over meneer en mevrouw mit heur opmarkelijke huwelijk en aparte gedrag. Vanzölfs speult ok de vraog wat of ze daor over naor buten brengen magt. Mar ok heur persoonlijke liefdesperikeln holdt ze bezig. Zoas het besluut van tuunknecht Lammert Smit um te gaon trouwen. Mar mit wie? Wie wet een bruid?.

SCHRIEVER: ROB BOUDESTEIN + LENY HAMMINGA (vertaoling). Albert is al een paor jaor weduwnaor en vindt het tied worden veur een neie levensgezel. Op zien 75e verjaordag wil e dit bespreken mit zien zeun Harm en dochter Jetty. As ze nou ies wat beter naor mekaar luusterden en niet zo overtuugd waren van heur eigen geliek, dan was het stuk veul korter west. Maar ok veul minder aangenaam! Op een gegeven moment komp der ok nog onverwacht bezuuk. Wat komp dizze man/vrouw eigenlijk doen?

SCHRIEVER: KLAAS KNILLIS HOFSTRA + WILFRED SPEEKENBRINK + DICK BLANCKE (vertaoling). Het stuk giet de verwikkelings veur en nao een rechtstreekse TV-show. Haot en neid bij de glimlachende kandidaoten, die mekaar bij de verdieling van de priezen naor het leven staon. Een vermuuide presentator en een slimme regisseur, die de chaos nog ienigszins in de haand holden, mar zölf ook mar ien ding willen.

SCHRIEVER: ANNE DOORNBOS. Jan en Annie Hilbers hebt heur boerenbedrief omturnd naor een zörgboerderie met een bed&breakfast. Ze weet dat binnenkört de ANWB langskomt veur controle. Een man en vrouw hef de B&B boekt. Ze bint van de politie, maor daor hebt Jan en Annie gien weet van. Butendat wor der zegd, dat de buren hebben misschien een wietplantage hebt.

SCHRIEVER: MARGA KOOL. Acht vrouwen bint drok gangs mit een wagen veur de dorpsoptocht. De titel van de wagen wordt : Emancipatie. Het huuft gien betoog dat eenieder daor zien eigen opvattings over hef. En zo kooj een boel te weten over de levens van de acht vrouwen. Maar dat komp ok deur de tussenliggende monologen die ze holdt. Uuteindelijk giet de wagen rieden, maar of het een beheurlijke pries oplevert ... De jury bestiet namelijk allent uut mannen... Vrouwluu versieren is in 1985 veur Vrouwentoneel Erica schreven.

SCHRIEVER: ANNE DOORNBOS. Het stuk speult in het dorpscafé en het giet over botsende belangen tussen natuur en landbouw. Dan brek de Mekkerziekte uut. Dit zörgt veur de neudige verwarring en het gemanipuleerde opbleuien van relaties.

SCHRIEVER: MARGA KOOL + JAN VEENSTRA Het stuk speult zich of bij twee trouwerijen. Bij de eerste trouwpartij ontmoet de partners van het tweede feest, Gerard en Mariska, mekaar. De tweede bruiloft (nao de pauze) is van heur, maar der ontstiet een grote ruzie die as niet best lek of te lopen veur de familie. As alle misverstaanden opelost bint, volgt der toch nog een mooi ende!

OORSPRONKELIJK: NORA, EEN POPPENHUIS (1879) van HENDRIK IBSEN VERTAOLING VANOET HET NOORS NAOR HET DRENTS: ALBERTIEN KLUNDER Nora is een klein geholden huusvrouw. Zij giet een lening an bij Krogstad um een vekaansiereis veur heur man te betaolen. Zij zet hierveur een valse haandtieken. Zij gebruukt die van heur va, maar die is al eerder uut de tied kommen. Nora wordt chanteerd deur Krogstad en vrouw Linde. Nora komp klem te zitten tussen dizze meinsen. As heur kirrel der achter komp wil hij heur straffen en pakt de opvoeding van de kinder van heur of. Nora verlat daorop heur gezin.

OORSPRONKELIJK: GO BACK TO MURDER van AGATHA CHRISTIE. VERTAOLING VANOET HET ENGELS NAOR HET DRENTS: JANNIE BOEREMA. De dochter van een veroordeelde vrouw giet op zuuk naor de echte moordenaar van heur va. Allerlei meinsen uut het verleden speult daorin een belangrieke en geheimzinnige rol. Uuteindelijk wordt de ware dader ontmaskerd.

SCHRIEVER: THEO BRUINSMA. Herman Albers ( etrouwd mit Willemien) viert zien 60e verjaordag in het bos in een huusie. Niet iederien is op de hoogte mit alle gebeurtenissen binnen de familie. De breur van Willemien is bijveurbeeld travestiet. Hij het Tinus en soms Natasja en komp ok vanuut Frankriek naor Drenthe. En dan bint der nog een ongetrouwde zus van Willemien, Annechien, en een muzikaOle, zweverige jonge breur, Benjamin. De dochter van Herman en Willemien, Frederique, is verloofd mit Mark. Familiegeheimen komt an het locht en zorgt veur een bult consternaotie.