HET IENAKTERFESTIVAL KÖRT&GOED 2023: DOE MET AN EN MELD JE AN!
Aal twei jaor organiseert het Huus van de Taol in de meertmaond-streektaolmaond het ienakterfestival Kört&Goed. De eerste keer daw dit festival organiseerden was in 2015. De opzet is aal maol hetzölfde: op zien hoogst twaalf ienakters wordt op drei aovends op drei verschillende plekken in Drenthe speuld. Een jury beoordielt wat der op de plaanken bracht wordt. Elke aovend levert een winnaar op. Dizze drei winnaars gaot deur naor de finale. De beste tweide van de drei veurronde-aovends mag ok naor de finale. En dizze finale is de oflopen keren in schouwburg Ogterop in Möppelt west. Een neie jury beoordeelt de finale.
In 2023: het veerde ienakterfestival Kört&Goed
In meert 2023 is der weer een neie editie van Kört&Goed. Dizze keer met twei veurrondes in Zeijen (4 meert) en Runerwold (25 meert). De finale is dan op 1 april in theater De Tamboer in Hoogeveen.
Wel kan met an doen
Tonielverienings, buurtverienings, vriendenclubs of welke aandere groep dan ok, hebt zuch anmelden kunt om met an te doen.
Eisen veur de ienakter
De ienakter hef een lengte tussen de twintig en dartig minuten en is hielemaol of grotendiels in het Drents. De keuze van het genre is vrij; van femilieveurstelling tot klucht tot erensachtig.
Der kunt niet al te veul decorstukken gebroekt worden, want der zit vaok niet meer as tien minuten tussen de verschillende opvoerings.
Vergoeding en begeleiding
Elke groep die metan döt, kreg € 100,- um in elk geval een diel van de kosten (zoas veur de productie en Buma) betaolen te kunnen. Wieder hebt de dielnimmers recht op deskundige hulp op het gebied van de Drentse taol en understeuning bij de regie (via het Huus van de Taol).
Anmelden
Anmelden veur 2023 kan niet meer.